mércores, 24 de decembro de 2014

VÍDEO DA TELECONFERENCIA CON PAPÁ NOEL

DESPOIS DUNS DÍAS XA TEÑO PREPARADO O VIDEO DA TELECONFERENCIA CON PAPÁ NOEL, NON TEN DESPEDICIO, XA SABEDES QUE ALGÚNS NON FALARON E A OUTROS NON PUIDEN GRABALOS PERO AQUÍ TEDES A MAIORÍA.

BO NADAL.

sábado, 20 de decembro de 2014

PELUSA TAMÉN MARCHA DE VACACIÓNS

CON TANTAS ACTIVIDADES QUE TIVEMOS O VENRES: SUBIMOS, BAIXAMOS.... NON TIVEMOS TEMPO DE NADA. PERO Á VOLTA DO RECREO, ALÍ ESTABA ESTA BOLSA, E CUNHA CARTA DE PELUSA.
PERO PELUSA NON ESTABA POR NINGURES.
NA CARTA SE DESPEDÍA ATA Á VOLTA DAS VACACIÓNS, XA QUE AS ÍA PASAR COA SÚA FAMILIA.
TODOS ESPERAMOS QUE PASE UNHAS FELICES FESTAS E DESEXÁMOSLLE UN FELIZ ANO NOVO.

  MOITAS GRAZAS POLOS CHOCOLATES.
XA SABEMOS QUE ALGÚNS NON CHEGARON A CASA. PELUSA PEDIUNOS QUE OS COLGARAMOS NA ÁRBORE DE NADAL.
QUEN SE ACORDOU?

venres, 19 de decembro de 2014

OS ALUMNOS/AS DE 6º FELICÍTANNOS O NADAL

DESPOIS DE VISITAR AOS ALUMNOS/AS DE 4º, VIÑERON OS DE 6º A FELICITARNOS A NÓS O NADAL, CUNHA POSTAL FEITA POR ELES COAS SÚAS FOTOS E COAS NOSAS. TODO UN DETALLE.
NADA MÁIS ENTRAR FORON BUSCANDO ONDE ESTABA O FUTURO DONO/A DA POSTAL .
E CANDO XA ESTABAN TODOS/AS COLOCADOS, COMEZARON A LERNOS A POESÍA QUE TIÑA DENTRO ESCRITA.
 TIVERON TEMPO PARA FALAR UN POUCO E ASÍ COÑECERSE MELLOR.
A PARTIRES DE AGORA SON OS NOSOS/AS AMIGOS E XA OS COÑECEMOS UN POUQUIÑO MÁIS.
MOITAS GRAZAS COMPAÑEIROS/AS POLA VISITA E GRAZAS A FRAN O SEU TITOR POR ACOMPAÑALOS.
BO NADAL!

VISITAMOS AOS COMPAÑEIROS/AS DE 4º

ESTE ANO NO CENTRO, DECIDIMOS QUE TODOS/AS OS/AS ALUMNOS/AS DE FELICITASEN CUNHA POSTAL A OUTROS/AS COMPAÑEIROS/AS. A NÓS TOCOUNOS VISITAR AOS NENOS/AS DE 4º A, ONDE HAI VARIOS IRMÁNS NOSOS.
POUCO A POUCO FOMOS FACENDO UNHA POSTAL. UTILIZANDO OS NOSOS DEDOS PINTADOS, CUNHA TÉCNICA QUE SE CHAMA ESTAMPACIÓN.


E ASÍ NOS QUEDARON:

E HOXE NADA MÁIS CHEGAR SAIMOS CARA A SÚA AULA (CANTO NOS GUSTA SAÍR).
CHEGAMOS A SÚA AULA, E XA NOS ESTABAN ESPERANDO COA SÚA TITORA MARÍA.
PRIMEIRO TRATAMOS DE EXPLICARLLE COMO A FIXEMOS, E A CONTINUACIÓN COMEZAMOS A ENTREGARLLE A POSTAL, UN A UN.


FOI UNHA ACTIVIDADE MOI INTERESANTE, SEGURO QUE AGORA VERÁN AOS MAIORES CON OUTROS OLLOS.
PODEDES VER MÁIS FOTOS DESTA ACTIVIDADE NO BLOG DE 4. 
MOITAS GRAZAS A TODOS OS/AS ALUMNOS/AS DE 4º E Á SÚA TITORA MARÍA.
BO NADAL!


xoves, 18 de decembro de 2014

UNHA GRAN VISITA

HOXE FOI UN DÍA ESPECIAL, LEVABAMOS VARIOS DÍAS TRABALLANDO NUNHA GRAN TARXETA
UNHA TARXETA ESPECIAL PARA UNHA VISITA ESPECIAL:
OS COMPAÑEIROS/AS DAS AULAS DE 3 ANOS DO CEIP DE SIGÜEIRO, E AS SÚAS MESTRAS: BERTA, JANI E PILI.
DÉMOSLLE A BENVIDA ACOMPAÑADOS DE PANXOLIÑAS,
E ANTÍA EN REPRESENTACIÓN DE TODOS NÓS, DEULLES A NOSA POSTAL DE NADAL.
 ELES TAMÉN PREPARARAN UNHA PARA NÓS, ASÍ QUE NICO FOI O ENCARGADO DE COLLELA E MOSTRALA A TODOS/AS.
DESPOIS TIVEMOS TEMPO PARA XOGAR UN POUCO, E SOBRETODO PARA REENCONTRAR A ALGÚNS AMIGOS/AS QUE TIÑAMOS NA GARDERÍA E COS QUE XOGAMOS NO PARQUE.
E XA PARA REMATAR TIVEMOS UNHA GRAN MERENDA CON PANNETTONE E TURRÓN DE CHOCOLATE.
EN TOTAL ERAN MÁIS DE 70 NENOS/AS, QUEN DICÍA QUE AS NOSAS AULAS ERAN PEQUENAS?

ANIVERSARIO DE NICOLÁS E ANABEL

DURANTE AS VINDEIRAS VACACIÓNS NICOLÁS E ANABEL CUMPRIRÁN 3 ANOS, ASÍ QUE DECIDIMOS CELEBRALO ANTES DE IRNOS.

E ASÍ QUEDOU O NOSO PANEL DE ANIVERSARIOS: TOTALMENTE BALEIRO
DESPOIS QUE QUE COLOCARAN A SÚA FOTO NO PANEL DE 3 ANOS.


O PRIMEIRO QUE FIXERON FOI ESCOLLER AS SÚAS COROAS, OS DOUS QUIXERONA VERMELLA.
CANTAMOS E CANTAMOS MENTRES QUE OS DOUS APAGABAN A CANDEA CO NÚMERO 3.


E NON SEI SE VOS DECATASTES, A TARTA QUE TROUXERON ERA MOI MOI BONITA E CUNHA RA ENCIMA, SERÍA UN RETRATO DE PELUSA?

MOITAS GRAZAS NICO E ANABEL POR COMPARTIR ESTE ANIVERSARIO CON NÓS.
PARABENS ANABEL E NICO,
XA TEDES 3 ANOS!!!

martes, 16 de decembro de 2014

PELUSA REGRESOU DE CASA DE... IKER

ESTA FIN DE SEMANA PELUSA ESTIVO NA CASA DE IKER, E ASÍ NOLO CONTOU EL.
FIXERON MOITAS COUSAS XUNTOS, PERO PRIMEIRO DE TODO PRESENTOULLE A SÚA FAMILIA. DEIXOULLE XOGAR COS SEUS XOGUETES PREFERIDOS. PELUSA FIXO  MOI BOS AMIGOS ENTRE ELES.

 VIRON A TELE XUNTOS, AINDA QUE PELUSA SE APODEROU DO SILLÓN DE IKER
VISITARON A SÚA ABOA EN TOURO, E XOGARON MOITISIMO, E COÑECEU A OUTROS ANIMAIS: OVELLAS.
TANTO QUE QUEDARON TAN CANSOS QUE DURMIRON ENSEGUIDIÑA, XA NO COCHE.
 CADA VEZ QUE SAE PELUSA, O PASA XENIAL, QUE SORTE TEN!!!
CON QUEN SE IRÁ A VINDEIRA SEMANA?

luns, 15 de decembro de 2014

TELECONFERENCIA DE PAPÁ NOEL

AÍNDA FAI POUCO QUE SAÍMOS DO COLE; E HOXE XA O VOLTAMOS A FACER. É QUE SE PORTAN TAN BEN...

A DE HOXE FOI UNHA SAÍDA ESPECIAL: FOMOS A FALAR CON PAPÁ NOEL. CANDO CHEGAMOS, TIVEMOS QUE ESPERAR UN POUCO PORQUE HABÍA OUTROS NENOS/AS FALANDO E ESTIVEMOS MOI, MOI CALADIÑOS PARA NON MOLESTAR.
CANDO SAIRON, COMEZAMOS A OCUPAR AS CADEIRAS E PRONTO ESTIVEMOS PREPARADOS PARA ESA CHAMADA.

E APARECEU PAPÁ NOEL QUE NOS FALOU E DEIXOU QUE LLE CONTÁSEMOS QUE REGALO QUERÍAMOS, A ALGÚNS DEULLE UN POUCO DE VERGOÑA PERO OUTROS FALARON SEN PROBLEMA.

A VER SE CUMPRE O QUE NOS DIXO. A QUE SI?